09.06.2016

Толығырақ

Есеп комитетінің мүшесі Александр Горяинов Тәуелсіз Мемлекеттер Достастығына қатысушы мемлекеттердің Жоғары қаржы бақылау органдары (ЖҚБО) басшылары кеңесінің XVI сессиясының жұмысына қатысты, Минск қаласы (Беларусь Республикасы)

Іс-шараға Әзербайжан Республикасының, Армения Республикасының, Беларусь Республикасының, Қазақстан Республикасының, Қырғыз Республикасының, Молдова Республикасының, Ресей Федерациясының, Тәжікстан Республикасының жоғары қаржы бақылау (мемлекеттік аудит) органдарының бірінші басшылары мен өкілдері қатысты.

Қатысушылар жоғары қаржы бақылау (мемлекеттік аудит) органдарының экономикалық қауіпсіздікті қамтамасыз етудегі рөлін талқылады. Қаржылық тұрақтылық пен экономикалық қауіпсіздік қатерінен нақты қорғау тетігі ретінде қаржылық бақылауды (мемлекеттік аудитті) жүргізу тиімділігін арттыру мәселелері бойынша пікірлермен және озық тәжірибелермен сындарлы алмасу жүзеге асырылды.

Сессия шеңберінде ТМД-ға қатысушы мемлекеттердің ЖҚБО басшылары кеңесінің Түйінді ұлттық көрсеткіштер жөніндегі сараптамалық топ жұмысының нәтижелері де қаралды. Есеп комитетінің мүшесі Александр Горяинов ТМД-ға қатысушы мемлекеттердің ЖҚБО мемлекеттік қаржылық бақылау (аудит) стандарттарын әзірлеу жөніндегі жұмыс тобының қызметі туралы баяндады.

Сессияның қорытындысы бойынша Тәуелсіз Мемлекеттер Достастығына қатысушы мемлекеттердің жоғары қаржы бақылау органдарының экономикалық қауіпсіздікті қамтамасыз етудегі рөлі туралы Шешім мен Қарар қабылданды.

Атап айтқанда, Қарар мәтінінде отырыстың қатысушылары бірлескен аудиторлық іс-шараларды жүргізу мен тәжірибе алмасу арқылы өзара іс-қимылды жандандыруға ықпал етуге келіскені, бақылау (аудиторлық) және сараптамалық-талдау қызметі практикасын жетілдіруге уәделескені туралы айтылған.

Бұдан басқа, Кеңестің XVI және XVII сессиялар арасындағы кезеңге арналған жұмыс жоспары бекітілді.

Есеп комитетінің баспасөз қызметі

Анықтамалық:
Тәуелсіз Мемлекеттер Достастығына қатысушы мемлекеттердің жоғары қаржы бақылау органдары басшыларының кеңесі 2000 жылы ТМД-ға қатысушы мемлекеттердің ЖҚБО арасындағы ынтымақтастықты ұйымдық қамтамасыз ету, олардың өзара іс-қимылын үйлестіру және жұмыс тәжірибесімен алмасу үшін құрылған болатын.